தமிழ்மொழியில் பிறமொழிச்சொல் களைய வேண்டும்! தனித்தமிழே தமிழ்நாட்டில் தழைக்க வேண்டும்! தமிழ்மொழியின் உயர்வொன்றே தம்மின் தனிவாழ்வின் வித்தென்று புரிய வேண்டும்! தமிழ்மொழியின் வளர்ச்சிக்குப் பணிகள் ஆற்றும் தமிழ்மகனே தமிழ்மாந்தன்! இந்தி வந்தால் தமிழ்கெடுமோ? என்பவனோர் சோற்று முண்டம்! தமிழுக்கு வரும்விடியல் இனத்திற் காகும்!     உழைப்பதற்குத் தயங்காமல் கையு யர்த்தல் உயர்வுக்கு முதல்விடியல்! பெருமை யெல்லாம் தழைப்பதற்கு நற்குணமே விடியல்! என்றும் தன்னலத்தை மறந்துழைத்தல் பொதுமை இங்கே முளைப்பதற்கு நல்விடியல்! கல்வி ஒன்றே முகிழ்க்கின்ற பேரறிவின் …

சொத்தில் களித்தே சிலர்வாழ சோறும் இன்றிப் பலர்வாட முத்தும் மணியும் சிலர்அணிய மூடும் துணிக்கே பலர்அலைய கொத்தளம் கோட்டையில் சிலர்வாழ குடிசையும் இன்றிப் பலர்வாட எத்தனை நாள்தான் பலர்பொறுப்பார்? இவைகளைச் சமன்செயல் முதல்கடமை!     பஞ்சணை பட்டுடன் சிலர்வாழ பாயும் இன்றிப் பலர்வாட எஞ்சும் ரொட்டியை நாய்கொரிக்க எச்சிலைப் பருக்கையைச் சேய்பொருக்க கொஞ்சலும் குலவலும் கோபுரத்தில் குமுறலும் வறுமையும் குடிசையிலே! எஞ்சுமிக் கொடுமையைப் பொறுப்பதுவோ? இவைகளைச் சமன்செயல் முதல்கடமை!   ஆண்டையாய்க் களித்தே சிலர்வாழ அடிமையாய்த் …

வறுமையெனும் தேள்கொட்ட நோயும் தாக்க வாழ்வதற்கே வழியில்லா ஏழையர்க்கும் பொறுமை யெனும் தன்துணையும் இல்லா விட்டால் போய்விடுமே அவர்உயிரும் ஓர்நொ டிக்குள்! சிறுமதியே படைத்தோர்கள் செய்யும் கீழ்மை சீரார்ந்த நற்சான்றோர் பொறுமை இன்றேல் மறுகணமே அவர்உயிர்க்கு வேலாய் மாறும்! மாண்புடையோர் பொறுமையினால் உலகே வாழும்.   அகழ்வாரைத் தாங்குகின்ற நிலத்தாய் போலே அறியாமல் இகழ்வாரைப் பொறுப்பீர் என்று புகழ்வாய்ந்த வள்ளுவனார் புகன்ற வாய்மை பொய்யாகிப் போவதுண்டோ ? பொறுமை தன்னை மிகவாகப் பெற்றவர்கள் தமது வாழ்வில் மேன்மையுறல் …

உழவன் புலர்ந்தவுடன் இரவுவரை மனைவி மக்கள் புடைசூழச் சேற்றினியே முத்தம் இட்டுப் பலபொருளும் விளைவாக்கி, வயிற்றைக் கட்டிப் பாருக்கே உணவுதரும் உழவன் வாழ்வில் நலன்கடுகும் மலர்ந்துளதா? மகிழ்ச்சி உண்டா? நல்லாடை அணிகலன்கள் திருநாள் உண்டா? சிலநாளில் எரிமலைபோல் வெடிப்பான்! அன்று சீர்மிகுந்த அவன்தாளை வணங்கும் ஞாலம்!   தொழிலாளர் செங்கதிரோன் எழுமுன்னே எழுந்தி ருந்து சிலைபோலே மனைவிமக்கள் நினைவை விட்டே தங்களுடல் வினாக்குறிபோல் வளைந்து தோன்ற தம்வயிற்றுக் கரைக்கஞ்சி குடித்துக் கொண்டே செங்குருதி வியர்வையொரு ஆறாய் ஓடச் …

அறிவினை வளர்த்தல் இன்பம்! அனைவரும் சமமே என்னும் அறத்தினை மதித்தல் இன்பம்! அன்புடன் பழகல் இன்பம்! திறமொடு வாழ்தல் இன்பம்! தீமையை ஒழித்தல் இன்பம்! குறள்நெறி வாழ்ந்தால் என்றும் குறைவிலா இன்பம்! இன்பம்!   தென்றல் தீண்டல் இன்பம் ! தெம்மாங் கிசைத்தல் இன்பம்! மன்றினில் அறிஞர் கூறும் மாண்புரை கேட்டல் இன்பம்! என்றுமே இளமை குன்றா இன்றமிழ்ப் படித்தல் இன்பம்! பொன்றுமே உயிரென் றாலும் புகழ்வரும் வழியே இன்பம்!   கலைகளைக் காணல் இன்பம்! கவின்பாப் …